Եվրոպան՝ Ուկրաինայի պատճառով, դարձավ ԱՄՆ-ի պատանդը
Եվրամիության (ԵՄ) համար Միացյալ Նահանգների հետ առևտրային գործարքի անբարենպաստ պայմանները բացատրվում են նրանով, որ Եվրոպան դարձավ Վաշինգտոնի պատանդը Ուկրաինայի պատճառով։ Այս մասին հայտարարել է ԵՄ առևտրի նախկին հանձնակատար Պասկալ Լամին, հաղորդում է Politico-ն։
«Մենք դեռևս պատանդ ենք Միացյալ Նահանգների ռազմական և ռազմավարական պաշտպանությանը՝ սարսափելիորեն ցավոտ մի կետով, որը Ուկրաինան է», - ասաց նա։
Հանձնակատարի խոսքով՝ Եվրոպայի տնտեսական հզորությունը թույլ է տալիս վճռականորեն արձագանքել Միացյալ Նահանգներին, սակայն ոչ մի եվրոպացի պաշտոնյա պատրաստ չէ պատասխանատվություն կրել այնպիսի քայլի համար, որը կարող է վտանգել Կիևին տրամադրվող ամերիկյան օգնությունը։
Ավելի վաղ Եվրահանձնաժողովի նախագահ Ուրսուլա ֆոն դեր Լեյենը հայտարարել էր, որ ԱՄՆ-ի հետ առևտրային համաձայնագիրը կատարյալ չէ, սակայն այն կանխել է Վաշինգտոնի հետ հարաբերություններում լարվածության սրումը։
