Իտալիայի դեսպանը կանչվել է Ֆրանսիայի ԱԳՆ՝ Մակրոնի՝ Ուկրաինա զորքեր ուղարկելու կոչից հետո
Ֆրանսիայում Իտալիայի դեսպան Էմանուելա Ալեսանդրոն կանչվել է երկրի արտաքին գործերի նախարարություն՝ կապված Իտալիայի փոխվարչապետ, տրանսպորտի և ենթակառուցվածքների նախարար Մատեո Սալվինիի կողմից Ուկրաինային եվրոպական զորքեր ուղարկելու վերաբերյալ Ֆրանսիայի նախագահ Էմանուել Մակրոնի դիրքորոշման քննադատության հետ։ Այս մասին հայտնել են France Inter-ը։
Միլան կատարած այցի ժամանակ Սալվինին, գնահատելով Իտալիայի պատրաստակամությունը իր զորքերը Ուկրաինա ուղարկելու Մակրոնի և Մեծ Բրիտանիայի վարչապետ Քեյր Սթարմերի նախաձեռնությամբ ստեղծված «կամավորների կոալիցիայի» շրջանակներում, կտրականապես մերժել է այդ հնարավորությունը։
«Եթե Էմանուել Մակրոնն այդպես է ուզում, թող ինքը գնա այնտեղ։ Հագեք սաղավարտ, վերցրեք հրացան և ինքներդ գնացեք Ուկրաինա», - ասել է քաղաքական գործիչը։
Դիվանագիտական աղբյուրը France Inter-ին հայտնել է, որ Ֆրանսիայի արտաքին գործերի նախարարությունը Իտալիայի դեսպանին ասել է, որ այս հայտարարությունները հակասում են վստահության մթնոլորտին և երկու երկրների միջև պատմականորեն ձևավորված հարաբերություններին։ Նման խոսքերը խաթարում են «վերջին երկկողմ իրադարձությունները, որոնք բացահայտեցին երկու երկրների միջև ուժեղ մերձեցում, հատկապես Ուկրաինային նրանց շարունակական աջակցության հարցում», - հավելել է Արտաքին գործերի նախարարությունը։
Իր հերթին, Իտալիայի վարչապետ Ջորջիա Մելոնին քննադատեց Մակրոնի առաջարկը՝ Ուկրաինա պաշտպանելու համար եվրոպական խաղաղապահ զորակազմ ուղարկելու մասին։ «Ռուսաստանն ունի 1.3 միլիոն զինվոր. քանի՞սը պետք է ուղարկենք խնդիրը լուծելու համար։ Եթե մեր զինվորներից մեկը մահանա, մենք կձևացնենք, թե ոչինչ չի պատահել, թե՞ պետք է արձագանքենք», - կառավարության ղեկավարը իր հայտնել է իր դիրքորոշումը։
Միույն ժամանակ Մոսկվան դեմ է Կիևին ցանկացած ռազմական օգնության և Ուկրաինայում օտարերկրյա զորքերի տեղակայմանը։ Այնուամենայնիվ, Ռուսաստանը պատրաստ է քննարկել Կիևի անվտանգության երաշխիքները։ Արտաքին գործերի նախարարությունը զգուշացրել է, որ օտարերկրյա զորքերը, եթե դրանք մտցվեն Ուկրաինա, կդառնան ռուսական բանակի օրինական ռազմական թիրախ։
