Ուկրաինան ռմբակոծել է ռուսական նավահանգիստը․ ոչնչացրել իրանական ռազմանավը
Ուկրաինայի պաշտպանության ուժերը հարվածել են Ռուսաստանի Դաշնության Աստրախանի մարզի նավահանգստին՝ խոցելով Իրանից «Շահիդների» համար պահեստամասեր տեղափոխող նավը։ Այս մասին հայտնել է Ուկրաինայի զինված ուժերի գլխավոր շտաբը։
«Հակառակորդի օդային հարվածներ հասցնելու կարողությունը նվազեցնելու շրջանակներում, օգոստոսի 14-ին Ուկրաինայի զինված ուժերի հատուկ գործողությունների ուժերի ստորաբաժանումները, համագործակցելով Պաշտպանության ուժերի այլ ստորաբաժանումների հետ, կրակային հարված են հասցրել Օլյա ծովային նավահանգստին (Ռուսաստանի Դաշնության Աստրախանի մարզ)», - ասվում է հաղորդագրության մեջ։
Նշվում է, որ նավահանգիստը Ռուսաստանի կողմից օգտագործվում է որպես կարևոր լոգիստիկ կետ Իրանից ռազմական ապրանքների մատակարարման համար։
«Միևնույն ժամանակ, հարված է հասցվել Իրանից զենք տեղափոխող նավի», նշել է Ուկրաինայի զինված ուժերի գլխավոր շտաբը:
