Ֆրանսիան Իսրայելից բացատրություն է պահանջել

Ֆրանսիայի Արտաքին գործերի նախարարությունը կոչ է արել Իսրայելին պատասխան տալ Հորդանան գետի Արևմտյան ափին գտնվող դպրոցի ոչնչացման համար, որի շինարարությունը ֆինանսավորել է Ֆրանսիան: Այդ մասին ասված է արտաքին քաղաքական գերատեսչության հրապարակված հաղորդագրության մեջ:

«Ֆրանսիան խստորեն դատապարտում է Իսրայելի իշխանությունների կողմից Հորդանան գետի արևմտյան ափի հյուսիսում կառուցվող դպրոցի ոչնչացումը, որը ֆինանսավորվում է Զարգացման ֆրանսիական գործակալության կողմից Եվրոպական միության հետ համատեղ:

Մենք կոչ ենք անում Իսրայելի իշխանություններին պատասխան տալ դպրոցի ավերման համար», - ասված է Ֆրանսիայի արտգործնախարարության կողմից տարածած հաղորդագրության մեջ։