Թրամփը հայտնել է՝ ինչ է քննարկելու Պուտինի հետ Ալյասկայում
ԱՄՆ նախագահ Դոնալդ Թրամփը իր ուկրաինացի գործընկեր Վլադիմիր Զելենսկիին և եվրոպացի դաշնակիցներին ասել է, որ չի քննարկելու Ուկրաինայի բաժանման հարցը Ռուսաստանի նախագահ Վլադիմիր Պուտինի հետ։ Այս մասին հայտնել է NBC News-ը՝ հղում անելով իր աղբյուրներին։
Այսպիսով, Թրամփը եվրոպացի առաջնորդներին ասել է, որ Ալյասկայում Պուտինի հետ հանդիպման իր նպատակը Ուկրաինայում հրադադարի հաստատումն է։
Հեռուստաալիքի տվյալներով՝ Թրամփը եվրոպացի առաջնորդների հետ զրույցում նշել է, որ Պուտինի հետ չի քննարկի որևէ հողային փոխանակում։
Թրամփը և եվրոպացի առաջնորդները համաձայնության են եկել, որ Ուկրաինայում պետք է հրադադար կնքվի նախքան խաղաղության բանակցությունների մեկնարկը։
