Օմանը չեղարկել է ՀՀ քաղաքացիների համար վիզային ռեժիմը
Օմանը վերացրել է վիզաները Հայաստանի քաղաքացիների համար։ Այս մասին հայտնել է ՀՀ Արտաքին գործերի նախարարության մամուլի ծառայությունը։
«Օմանի կառավարությունը, բարձր գնահատելով ՀՀ կառավարության՝ Օմանի քաղաքացիների համար ՀՀ մուտքի արտոնագրի պահանջից միակողմանիորեն ազատելու որոշումը, որոշում է կայացրել օգոստոսի 11-ից փոխադարձաբար ազատել ՀՀ քաղաքացիներին Օմանի մուտքի արտոնագրի պահանջից»,– ասված է հաղորդագրությունում։
ԱԳՆ-ի կարծիքով` կարճաժամկետ այցերը կխթանեն երկու երկրների զբոսաշրջային կապերն ու միջմարդկային շփումները:
