Փեզեշքիանը ծաղրել է Նեթանյահուին, երբ նա խոստացել է իրանցիներին օգնել ջրով

Իրանի նախագահ Մասուդ Փեզեշքիանը այսօր X-ում գրառման մեջ ծաղրել է Իսրայելի վարչապետ Բենիամին Նեթանյահուին՝ այն բանի համար, որ Իսրայելը կօգնի Իրանին լուծել ջրային ճգնաժամը, երբ իրանցիները դուրս գան փողոց և պահանջեն Իրանի կառավարության հրաժարականը: 

«Ռեժիմը, որը Գազայի ժողովրդին զրկել է ջրից և սննդից, ցանկանում է ջուր հասցնել Իրանի ժողովրդին։ Ի՜նչ պատրանք»,- գրել է Փեզեշքիանը:

Նեթանյահուն երեկ տեսաուղերձ է հրապարակել՝ ուղղված Իրանի ժողովրդին։ Նա մեջբերել է  Փեզեշքիանի վերջերս արված մեկնաբանությունը, որում նա ընդունել է խորը ազգային խնդիրները, այդ թվում՝ ջրի սակավությունը։ «Մենք խնդիրներ ունենք ջրի, էլեկտրաէներգիայի, փողի և գնաճի հետ կապված. որտե՞ղ խնդիր չունենք։ Սեպտեմբեր կամ հոկտեմբեր ամիսներին ամբարտակներում ջուր չի լինի», - մեջբերել է Նեթանյահուն։ 

Նեթանյահուն մեղադրեցլ է Իրանի ղեկավարությանը քաղաքացիների վրա բռնապետություն և աղքատություն պարտադրելու, ներքին կարիքները ֆինանսավորելու փոխարեն հարյուրավոր միլիարդավոր դոլարներ Համասին, Հեզբոլլահին և հուսիթներին ուղղորդելու մեջ։ «Դուք արժանի չեք այնպիսի առաջնորդների, որոնք փախչում են երկրից, մինչ դուք մենակ տառապում եք դժվար պատերազմի ժամանակ», - ասել է նա։

Նեթանյահուն կոչ է արել իրանցիներին դուրս գալ փողոցներ և բողոքել բռնապետության դեմ, Նեթանյահուն խրախուսել է նրանց պահանջել արդարադատություն։ «Դուք միայնակ չեք։ Իսրայելը ձեզ հետ է։ Ամբողջ աշխարհը ձեզ հետ է»։