Իրանի հայտարարություններում տարբեր շեշտադրումներ ենք տեսնում. ռուս պաշտոնյա

Հարավային Կովկասի խնդիրների կարգավորման լավագույն տարբերակը հենց տարածաշրջանի երկրների կողմից իրենց անմիջական հարևանների աջակցությամբ մշակված լուծումների որոնման և իրականացման մեջ է. հայտարարել է ՌԴ ԱԳՆ տեղեկատվության և մամուլի դեպարտամենտի փոխտնօրեն Ալեքսեյ Ֆադեևը:

«Կողմնակի խաղացողների միացումը պետք է նպաստի միայն խաղաղության օրակարգի ամրապնդմանը, ոչ թե ստեղծի լրացուցիչ դժվարություններ և բաժանարար գծեր», - ասել է նա ճեպազրույցի ժամանակ:

Նրա խոսքով` Հարավային Կովկասում անվտանգության հարցերի շուրջ Ռուսաստանը մշտական շփումներ է պահպանում Իրանի հետ: Մոսկվայում ուշադիր ուսումնասիրել են Հայաստանի, Ադրբեջանի և ԱՄՆ ղեկավարների վաշինգտոնյան գագաթնաժողովի վերաբերյալ իրանական կողմի հայտարարությունները և դրանցում տարբեր նրբերանգներ ու շեշտադրումներ են տեսնում: