Ալիևը՝ ԱՄՆ-ի հետ կնքած նոր համաձայնագրերի մասին

ԱՄՆ-ի և Ադրբեջանի միջև երկկողմ հարաբերությունները նոր մակարդակի են բարձրանում և անցնում ռազմավարական գործընկերության ձևաչափի: Այս մասին հայտարարել է Ադրբեջանի նախագահ Իլհամ Ալիևը Սպիտակ տանը մամուլի համար արված հայտարարության մեջ՝ ԱՄՆ նախագահ Դոնալդ Թրամփի հետ բանակցություններից հետո:

«Մենք նոր էջ ենք բացում Միացյալ Նահանգների և Ադրբեջանի միջև երկկողմ միջպետական հարաբերություններում։ Մենք սկսում ենք ռազմավարական գործընկերության ուղին։ Մի քանի ամսվա ընթացքում կպատրաստվի մեր երկրների միջև ռազմավարական գործընկերության վերաբերյալ անհրաժեշտ ամեն ինչ»։

Աշխարհի ամենամեծ երկրի հետ ռազմավարական գործընկերության ձևաչափում գտնվելը մեծ հնարավորություն է և միևնույն ժամանակ՝ հսկայական պատասխանատվություն», - ընդգծել է Ալիևը։