Ռուսական ԱԹՍ-ներում հնդկական բաղադրիչներ են հայտնաբերվել․ Զելենսկու գրասենյակ
Ուկրաինայի նախագահի գրասենյակի ղեկավար Անդրեյ Երմակը հայտարարել է, որ ռուսական հարվածային անօդաչու թռչող սարքերում հնդկական բաղադրիչներ են հայտնաբերվել։ Նա այս մասին գրել է իր Telegram ալիքում։
Նրա պնդմամբ՝ «խոսքը «Շահեդի» և «Գերանիումի» մասին է, որոնք Ռուսաստանն օգտագործում է առաջնագծում՝ Ուկրաինայի խաղաղ բնակիչների դեմ»։
«Անհրաժեշտ է զրկել ռուսներին այլ երկրներից բաղադրիչներ ստանալու հնարավորությունից։ Բացի այդ, ռուսական էներգետիկ ռեսուրսների գնումը պատերազմի ֆինանսավորում է, որը չի նպաստում խաղաղությանը», - նշել է Ուկրաինայի նախագահի գրասենյակի ղեկավար։
