Խամենեիի խորհրդականը նշանակվել է Ազգային անվտանգության խորհրդի քարտուղար
Ալի Լարիջանին նշանակվել է Իրանի Գերագույն ազգային անվտանգության խորհրդի քարտուղար։ Ինչպես հաղորդում են իրանական լրատվամիջոցները, համապատասխան հրամանագիրը ստորագրվել է Իրանի նախագահ Մասուդ Փեզեշքիանի կողմից։
Ավելի վաղ այդ պաշտոնը զբաղեցնում էր Ալի Աքբար Ահմադիանը։ Ալի Լարիջանին նախկինում եղել է Իրանի գերագույն առաջնորդ այաթոլլահ Սեյեդ Ալի Խամենեիի խորհրդականը։
Նշենք նաև, որ ԱՄՆ նախագահ Դոնալդ Թրամփի նոր սպառնալիքների ֆոնին Իրանի ազգային անվտանգության բարձրագույն խորհուրդը որոշում է ընդունել հատուկ մարմին՝ պաշտպանության խորհուրդ ստեղծելու մասին, որի իրավասության ներքո կլինեն երկիրը արտաքին սպառնալիքներից պաշտպանելու հարցերը:
