ԱՄՆ-ն կգործարկի «իրական» արբանյակներ՝ ցամաքում և ծովում շարժվող թիրախներին հետևելու համար
ԱՄՆ-ի երկրատարածական հետախուզության ազգային գործակալությունը և տիեզերական ուժերը ծրագրում են 2026 թվականին սկսել Ground Moving Target Indicator (GMTI) ծրագրի արբանյակների արձակումը, որոնք թույլ են տալիս հետևել ցամաքում և ծովում շարժվող թիրախներին: Այս մասին հայտնում է Breaking Defense պարբերականը։
«Առաջին արբանյակները, որոնք թույլ են տալիս հետևել շարժվող ցամաքային թիրախներին, արձակվել են։ Համապատասխան տիեզերանավերը համալրված են էլեկտրաօպտիկական և ռադիոտեղորոշիչ սենսորներով»,- նշել է է գեներալ-լեյտենանտ Դեաննա Բերտը:
Բերտը հավելել է, որ հաջորդ տարի, երբ գործարկվեն իրական GMTI արբանյակները, դրանք կօգտագործվեն Ասիա-խաղաղօվկիանոսյան տարածաշրջանը դիտարկելու համար: Սպան չի մանրամասնել GMTI «իրական» արբանյակների կոնկրետ բնութագրերի մասին, սակայն նշել է, որ առայժմ ուսումնասիրվում է դրանց արդյունավետ կիրառման հարցը:
