ՄԱԳԱՏԷ-ի տեսուչները չեն կարողանա ստուգել Իրանի միջուկային օբյեկտները
Ատոմային էներգիայի միջազգային կազմակերպության (ԱԷՄԳ) ներկայացուցիչները չեն կարողանա ստուգել Իսլամական Հանրապետության միջուկային օբյեկտներն Իրան կատարելիք իրենց առաջիկա այցի ժամանակ, հայտարարել է Իրանի միապալատ խորհրդարանի (Մեջլիս) ազգային անվտանգության և արտաքին քաղաքականության հանձնաժողովի նախագահ Էբրահիմ Ազիզին: Այս մասին հայտնում է իրանական «Թասնիմ» լրատվական գործակալությունը։
«Մեջլիսի կողմից ընդունված օրենքների համաձայն՝ ԱԷՄԳ-ի պատվիրակությունը, ինչպես ցանկացած այլ օտարերկրյա տեսուչ, ոչ մի դեպքում ֆիզիկական մուտք չի ունենա իրանական միջուկային օբյեկտների տարածք», - ասել է նա։
Իրանցի խորհրդարանականի խոսքով՝ «ՄԱԳԱՏԷ-ի պատվիրակությունն ունի միայն իրանցի պաշտոնյաների հետ տեխնիկական խորհրդակցություններ անցկացնելու լիազորություններ»։
Հավելենք՝ ավելի վաղ Իրանի արտաքին գործերի նախարարության խոսնակ Էսմայիլ Բաղային հայտարարել էր, որ ԱԷՄԳ-ի պատվիրակության այցն Իսլամական Հանրապետություն կկայանա 10 օրվա ընթացքում։
