ԱՄՆ-ն չի հաշվում գերիշխանության կորստի հետ․ Զախարովա

Միացյալ Նահանգների կողմից գլոբալ հարավի երկրների դեմ սակագնային արգելքների խստացումը ուղղակիորեն ոտնձգություն է պետությունների ինքնիշխանությանը և միջամտություն է նրանց գործերին: Այս մասին հայտարարել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան, գրում է «ՏԱՍՍ»-ը։

Դիվանագետը նշել է, որ Վաշինգտոնը չի կարողանում «հաշտվել ի հայտ եկող բազմաբևեռ աշխարհակարգում գերիշխանության կորստի հետ և շարունակում է նեոգաղութատիրական քաղաքականություն վարել՝ փորձելով պահպանել իր դիրքերը՝ օգտագործելով տնտեսական ճնշման քաղաքականացված լծակներ նրանց դեմ, ովքեր հրաժարվում են հետևել նրա հետքին միջազգային ասպարեզում»։

«ԱՄՆ նման քաղաքականությունը պետությունների ազգային ինքնիշխանության նկատմամբ ուղղակի ոտնձգություն է, նրանց ներքին գործերին միջամտելու փորձ, չհաշված այն փաստն, որ այն ընդհանուր առմամբ հղի է տնտեսական աճի դանդաղմամբ, մատակարարման շղթաների վնասմամբ և համաշխարհային տնտեսության մասնատմամբ», - ընդգծել է Զախարովան։

Նրա խոսքով՝ Ռուսաստանը պատրաստ է ընդլայնել համագործակցությունը Հարավի երկրների հետ՝ անօրինական պատժամիջոցների ճնշմանը հակազդելու համար։

«Մենք կարծում ենք, որ ոչ մի սակագնային պատերազմ կամ պատժամիջոցներ չեն կարող որևէ բան անել պատմության բնական ընթացքը կանգնեցնելու համար։ Մենք ունենք հսկայական թվով գործընկերներ, համախոհներ և դաշնակիցներ, որոնք կիսում են այս մոտեցումը գլոբալ Հարավի երկրների, և առաջին հերթին՝ BRICS-ի շրջանում», - հավելել է  ՌԴ արտգործնախարարության պաշտոնական ներկայացուցիչը։