Ռուսաստանի գործողությունները «զզվելի են»․ Թրամփը՝ Ուկրաինային հասցված հարվածների մասին

Ռուսաստանի գործողությունները «շատ տխուր են»: Այս մասին՝ Սպիտակ տանը, լրագրողների հետ զրույցում, հայտարարել է ԱՄՆ նախագահ Դոնալդ Թրամփը՝ դատապարտելով  Ուկրաինային հասցված ռուսական հարվածները։

«Ես կարծում եմ, որ այն, ինչ նրանք անում են, զզվելի է։ Սա իմ պատերազմը չէ։ Բայց ես ասում էի՝ եթե ես գամ իշխանության, ես կփորձեմ կանգնեցնել դա»,-  հայտարարել է նա՝ Ռուսաստանի և Ուկրաինայի հակամարտությունը անվանելով «Բայդենի պատերազմ»։

Ամերիկացի առաջնորդը նախազգուշացրել է, որ ԱՄՆ-ը Ռուսաստանի դեմ նոր պատժամիջոցներ կսահմանի խաղաղության հասնելու համար իրենց հատկացված 10-օրյա ժամկետի ավարտից հետո, սակայն միևնույն ժամանակ խոստովանել է, որ վստահ չէ դրանց արդյունավետության հարցում: