Ամերիկան մեռած երկիր էր՝ ծախու քաղաքական գործիչների պատճառով, իսկ հիմա շատ հարուստ է․ Թրամփ
Դոնալդ Թրամփը հայտարարել է, որ իր սահմանած մաքսատուրքերն Ամերիկան դարձրել են «կրկին մեծ և հարուստ»: Այս մասին նա հրապարակում է արել Truth Social կայքէջում։
Նախագահը նշել է, որ տասնամյակներ շարունակ այլ երկրներ մաքսատուրքեր են օգտագործել ԱՄՆ-ի դեմ ՝ վնաս հասցնելով տնտեսությանը «հիմար, խղճուկ և ծախու քաղաքական գործիչների» պատճառով:
«Այժմ ամեն ինչ ամբողջովին փոխվել է, և Ամերիկան հաջողությամբ հետ մղեց այդ սակագնային գրոհը։ Մեկ տարի առաջ Ամերիկան մեռած երկիր էր, իսկ հիմա այն աշխարհի «ամենաթեժ» երկիրն է»,- գրել է Սպիտակ տան ղեկավարը։
Նա նաև շնորհակալություն է հայտնել իր իրավաբաններին, որոնք պաշտպանում էին տուրքեր սահմանելու քաղաքականությունը։
