Ադրբեջանի բարբարոսական արարքը՝ Այվազովսկու արձանի քանդումը, հիմարություն է․ Զատուլին
Ստեփանակերտում ռուս նկարիչ Հովհաննես (Իվան) Այվազովսկու հուշարձանի քանդումն Ադրբեջանի իշխանությունների կողմից պետական մակարդակով խրախուսվող և հրահրվող վանդալիզմի օրինակ է։ Այս մասին հայտարարել է Պետդումայի ԱՊՀ հարցերով հանձնաժողովի փոխնախագահ Կոնստանտին Զատուլինը, փոխանցում է, Lenta.ru-ն։
Նրա խոսքով՝ սա բարբարոսական արարք է, անկեղծ ասած՝ հիմարություն։ Այվազովսկին գեղանկարչության համընդհանուր ճանաչված հանճար է, որը գնահատվել է ոչ միայն մեր Ռուսական կայսրությունում, այլև ամբողջ աշխարհում։
«Այդ հրաշալի մարտիկներն ընդդեմ հայկական մշակութային ազդեցության, ովքեր այսօր իշխում են նախկին Լեռնային Ղարաբաղի Հանրապետության տարածքում, ըստ էության, չեն սահմանափակվել միայն Այվազովսկու արձանի քանդմամբ։ Նրանք արդեն հասցրել էին պղծել խորհրդային հայտնի զինվորական առաջնորդների՝ Չարդախլու հայկական գյուղի բնիկ հուշարձաններն, ոչնչացրել մեծ թվով խաչքարեր, այսինքն՝ հուշախաչեր։
Բացի այդ, այսօր Ադրբեջանում, պաշտոնական մակարդակով, մշակվում է տեսություն Ղարաբաղի տարածքում գտնվող պատմամշակութային հուշարձանների ենթադրաբար ոչ հայկական ծագման մասին։ Խոսքը 6-րդ, 10-րդ, 11-րդ, 12-րդ դարերի վանքերի մասին է»,- մանրամասնել է նա։
Հավելենք՝ Ավելի վաղ հայտնի էր դարձել, որ Ադրբեջանի իշխանությունները քանդել են Այվազովսկու հուշարձանը նկարչի ծննդյան օրը։
