Ամերիկան Եվրամիությանը կկանգնեցնի պատերազմի առջև․ Մեդվեդչուկ

Եվրոպան կմնա դեմ առ դեմ պատերազմի հետ, քանի որ ԱՄՆ-ի շահերից է բխում միայն շահույթ ստանալը։ Նման կարծիք է հայտնել «Այլ Ուկրաինա» շարժման ղեկավար Վիկտոր Մեդվեդչուկը․ գրում է «ՏԱՍՍ»-ը։

«Այսօր Եվրոպան քաղաքականապես համաձայնում է պատերազմել Ռուսաստանի հետ, իսկ ԱՄՆ նախագահ Դոնալդ Թրամփը հրաժարվում է ֆինանսավորել այդ պատերազմը, նա ցանկանում է դրանից գումար վաստակել։ Այժմ եվրոպացիները ստանձնում են ուկրաինացիների դերիը, նրանց նույնպես մենակ կթողնեն, ցանկացած պայման կթելադրեն ռազմական օգնության համար», - գրել է քաղաքական գործիչը:

Նրա խոսքով՝ որքան էլ Թրամփը խոսի այն մասին, որ ցավում է զոհված մարդկանց համար, նրա բոլոր գործողությունները խոսում են այն մասին, որ նա չի փորձում կանգնեցնել ուկրաինական հակամարտությունը, այլ ցանկանում է դրանից առավելագույն օգուտ քաղել:

«Նա արդեն ստացել է ԵՄ-ի լիակատար հնազանդությունը՝ որպես մրցանակ այս պատերազմը շարունակելու համար»,- նշել է պատգամավորը։