Սուտ է. զննություն չի իրականցվելու. Ռուբինյան

ԱԺ փոխնախագահ Ռուբեն Ռուբինյանը այսօր ԱԺ իր ելույթի ժամանակ նշել է. «Այլ կերպ ասած՝ պնդումը, որ հսկիչին իրավունք է տրվում զննություն իրականացնելու, սուտ է»:

«Նախագծի վերաբերյալ եկել, քննարկում եք տրանսպորտի թանկացումը լա՞վ է, թե լավ չէ, մենք դա չենք քննարկում: Քննարկման նյութը հետևյալն է՝ եթե կա ինչ-որ գործող կանոն, այդ կանոնի խախտման համար պե՞տք է լինի տուգանք, թե՝ չէ, այդքան բան»,- ասել է նա:

«Ըստ նախագծի՝ եթե մարդը չի վճարել ու հրաժարվում է նույնականացվել, հսկիչը դիմում է ոստիկանին, որն, այսպես, թե այնպես, իրավունք ունի մարդուն նույնականացնել»,- ասել է Ռուբինյանը՝ հերքելով ընդդիմադիր պատգամավորների պնդումները։

Նա նաև նշել է, որ ԱԺ-ում քննարկում են ոչ թե ուղեվարձի չափը, այլ՝ ուղեվարձ չվճարելու դեպքում պատասխանատվության ենթարկելու հարցը։