Ես որևիցե բանից չեմ վախենում․ արքեպիսկոպոս Աջապահյան

«Իրենք հասկացել են և նահանջել են, դրա համար ավելորդ է թույլ տալ, որ երկրորդ հարձակումը թույլ տան և երկրորդ անգամ պղծեն Մայր Աթոռի հոգապարար, հոգևոր մթնոլորտը։

Ես որևիցե բանից չեմ վախենում, այս մեղադրանքը բարցարձակ շինծու, ապօրինի մեղադրանք է։ Ես երբեք չեմ թաքնվել, խուսափել, ասածներիցս էլ չեմ հրաժարվում։ Ասել եմ՝ լավ եմ արել։ Խնդրանքս է՝ նստեմ մեքենան և փաստաբանի հետ Քննչական կոմիտե գնամ, ներկայանամ», -ասել է Միքայել արքեպիսկոպոս Աջապահյանը լրագրողների հետ զրույցում։

Միքայել Սրբազանը նշել է, որ վարույթը հարուցել էին հունիսի 17-ին և կարող էին իրեն մեկուսի ձերբակալել, մինչև ամսի 26-ը ներառյալ։

«Իրենք, հակված եմ մտածել, որ գիտակցաբար ուզեցին ցույց տալ իրենց ուժը Մայր Աթոռի պատերից ներս, իրենք դժվար թե չիամանային, որ քահանայական ժողով է նախատեսված և ես Վեհափառի կողքին ատենապետն եմ։

Որոշել էին շոուն կազմակերպել։ Կազմակերպեցին՝ չստացվեց, շնորահակալություն բոլորին, Վեհափառ Հայրապետին՝ իր մասնագիտական բարձր պահվածքի համար»,-ասել է  նա։