Ուզում եմ, որ չխառնեք ինստիտուտն ու եկեղեցականներին. Արայիկ Հարությունյան
Անընդատ լսում եմ պնդում այն մասին, որ եկեղեցու հեղինակությունը 5-6 անգամ բարձր է իշխանության հեղինակությունից ու եկեղեցին կարող է ուղղորդող դերակատարում ունենալ ընտրական գործընթացներում։ Այս մասին ասել է ՀՀ վարչապետ Նիկոլ Փաշինյանի աշխատակազմի ղեկավար Արայիկ Հարությունյանը:
Հարությունյանը նշել է, որ 2021 թվականին ամբողջ եկեղեցին՝ Կաթողիկոսի գլխավորությամբ, քարոզում էր ընդդեմ ՔՊ-ի, բայց հանրությունը, նրա խոսքով, գնաց ու տվեց Կաթողիկոսի և իր սպասավորների պատասխանը։
«Այն ժամանակ եկեղեցու վստահությունը, որպես ինտիտուտի, պակաս չէր, քան՝ 2024-ին։ Ուզում եմ, որ չխառնեք ինստիտուտն ու եկեղեցականներին, վստահ կարող եմ ասել՝ երբ եկեղեցականների վերաբերյալ հարցում անեք, կստանաք բացարձակ այլ պատկեր»,- հավելել է նա:
