Սովետական կայանն ընկել է Հնդկական օվկիանոսը
Խորհրդային ավտոմատ կայանը, որը 53 տարի առաջ արձակվել ու այդպես էլ չէր հասել Վեներա, ընկել է Հնդկական օվկիանոսը։ Այս մասին հաղորդում է «Ռոսկոսմոսը»:
Հաղորդագրության մեջ ասվում է․ «1972 թվականին արձակված «Կոսմոս-482» տիեզերական սարքը դուրս է եկել ուղեծրից և ընկնելով Հնդկական օվկիանոս` ոչնչացել է»։
Սարքը մթնոլորտի խիտ շերտեր է մտել Մոսկվայի ժամանակով ժամը 9:24-ին Միջին Անդաման կղզուց 560 կմ արևմուտք և ընկել Հնդկական օվկիանոսը՝ Ջակարտայից արևմուտք: Ուղեծրից սարքի դուրս գալը վերահսկել են մերձերկրային տիեզերական տարածության վտանգավոր իրավիճակների մասին նախազգուշացման ավտոմատացված համակարգի միջոցները:
