Պակիստանից նշել են՝ արդյոք միջուկային տարբերակ դիտարկում են, թե՝ ոչ
Պակիստանի իշխանությունները ներկայումս չեն դիտարկում միջուկային զինանոցի օգտագործման հնարավորությունը: Այս մասին հայտնել է երկրի պաշտպանության նախարար Հավաջա Ասիֆը։ Նա նման հայտարարություն է արել՝ մեկնաբանելով Հնդկաստանի հետ հակամարտության սրումը։
«Միջուկային տարբերակն այժմ չի դիտարկվում, բայց եթե իրավիճակ ստեղծվի, ապա դիտորդները նույնպես կտուժեն»,-ասել է նախարարը։
Նախարարը նաև հերքել է Պակիստանի զինված ուժերի ազգային հրամանատարության նիստի կազմակերպման մասին լուրերը: Նշենք, որ վերջինս պատասխանատու է միջուկային զենքի կիրառման հետ կապված օպերատիվ որոշումների ընդունման համար։
