Հասարակություն

Աֆղանստանում արգելել են շախմատ խաղալ

Աֆղանստանում արգելել են շախմատ խաղալ
Թալիբները Աֆղանստանում շախմատը «հարամ» են համարել։ Առաքինության խրախուսման և արատների կանխարգելման նախարարությունը հայտարարել է, որ խաղն արգելված է և փակել է երկրի շախմատի ֆեդերացիան: Այս մասին…

Թալիբները Աֆղանստանում շախմատը «հարամ» են համարել։ Առաքինության խրախուսման և արատների կանխարգելման նախարարությունը հայտարարել է, որ խաղն արգելված է և փակել է երկրի շախմատի ֆեդերացիան: Այս մասին հայտնել է Ռուսաստանի քաղաքագետների միության վերլուծական կենտրոնի տնօրեն Անդրեյ Սերենկոն Telegram-ի իր ալիքում:


Նա պատմել է, որ մայիսի 9-ին Աֆղանստանի շախմատիստները դիմել են սպորտի դեպարտամենտ: Նրանք խնդրել են թույլ տալ շախմատ խաղալ, ինչպես նաև ֆինանսական օգնություն ստանալ այդ մարզաձևի խմբերի և մրցաշարերի աշխատանքները կազմակերպելու համար:


«Թալիբանի սպորտի և ֆիզիկական դաստիարակության դեպարտամենտի ներկայացուցիչներն իրենց հայտնել են, որ էմիրի հրամանագիրը շախմատն արգելված է հայտարարել և ֆեդերացիային զրկել է իր գործունեությունը շարունակելու հնարավորությունից», - գրել է Սերենկոն:


Նրա խոսքով՝ շախմատի ֆեդերացիան Թալիբանի իշխանության գալուց հետո երկրում շարունակել է աշխատել։ Շախմատ խաղալ կարող էին սովորել տղամարդիկ և կանայք, իսկ երկրում անցկացվում էին նաև մրցումներ։


Ինչպես հավելել Է Սերենկոն, աշխարհի պետությունների մեծ մասում շախմատը համարվում է ինտելեկտուալ և կրթական մարզաձև, սակայն Աֆղանստանում այդ խաղը դժվարությունների է հանդիպում:



Նմանատիպ հոդվածներ

Ավելին Հասարակություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7323) Միջազգային (3210) ԱՄՆ (2276) Ռուսաստան (2075) Իրան (1731) Ընտրություններ (1270) Ուկրաինա (817) Երևան (794) Իսրայել (757) Ադրբեջան (610) Փաշինյան (557) Եվրոպա (510) Ընդդիմություն (434) Թրամփ (427) Ազգային ժողով (396)

Radio Aurora

Լսել Radio Aurora

Գովազդային տարածք

300x250