Արթուր Չախոյանին ոստիկանությունից տեղափոխեցին հիվանդանոց
Ակտիվիստ Արթուր Չախոյանին Նոր Նորքի ոստիկանությունից շտապօգնության մեքենայով տեղափոխեցին հիվանդանոց: Նա լրագրողներին հասցրել է միայն փոխանցել, որ ձերբակալվածի կարգավիճակ ունի:
Նրա դեմքին տեսանելի էին վնասվածքները, որ այսօր ստացել էր Նոր Նորքի թաղապետարանում, երբ գնացել էր մասնակցելու հանրային քննարկման:
Հիշեցնենք, որ Նոր Նորք վարչական շրջանի ղեկավար Տիգրան Տեր-Մարգարյանի, թաղապետարանի աշխատակիցների և Արթուր Չախոյանի միջև ծեծկռտուք է տեղի ունեցել։
