Ուկրաինայի ԱԳ նախարարը հակամարտությունն ավարտելու ժամկետ է նշել

Կիևը ցանկանում է այս տարի վերջ տալ հակամարտությանը, հայտարարել է Ուկրաինայի արտգործնախարար Անդրեյ Սիբիգան Անթալիայի դիվանագիտական համաժողովում ունեցած ելույթի ժամանակ, գրում է «Ռիա Նովոստի»-ն:

«Ուկրաինան խաղաղություն է ուզում։ Մենք ցանկանում ենք ավարտել այս պատերազմը այս տարի»,- ասել է Սիբիգան։

Հավելենք՝ ՌԴ նախագահ Վլադիմիր Պուտինը ավելի վաղ հայտարարել էր, որ Ուկրաինայում հակամարտության կարգավորման նպատակը պետք է լինի ոչ թե կարճատև զինադադարը կամ ուժերի վերախմբավորման ու վերազինման համար ընդմիջումը՝ հակամարտության հետագա շարունակման նպատակով, այլ երկարաժամկետ խաղաղությունը։

«Ռուսաստանի իշխանությունները կշարունակեն պայքարել ռուս ժողովրդի շահերի համար, սա է հատուկ գործողության իմաստը: Ուկրաինայում խաղաղությունը պետք է հիմնված լինի բոլոր մարդկանց, բոլոր ժողովուրդների օրինական շահերի հարգանքի վրա, որոնք ապրում են այս տարածաշրջանում»,- ասել է ՌԴ նախագահը։