Արգենտինացի ֆուտբոլային լեգենդը Story-ում անդրադարձել է հայկական կրթական կենտրոնին
Աշխարհահռչակ արգենտինացի ֆուտբոլիստ Լիոնել Մեսսին Instagram-ի իր պաշտոնական էջում հրապարակել է story, որտեղ ներկայացված է հայկական տեխնոլոգիական և ստեղծարար կրթական կենտրոն՝ «Թումոն»։
Հրապարակման բովանդակությունը դեռևս հստակ չի մեկնաբանվել Մեսսիի կողմից, սակայն այն արդեն լայն արձագանք է գտել հայկական սոցցանցային տիրույթում։ Բազմաթիվ օգտատերեր մեկնաբանում են այս քայլը որպես յուրատեսակ ճանաչում և աջակցություն հայկական կրթական նախաձեռնություններին։
«Թումոն» վերջին տարիներին հայտնի է դարձել ոչ միայն Հայաստանում, այլև աշխարհի տարբեր երկրներում բացված իր մասնաճյուղերով՝ որպես նորարարական հարթակ պատանիների կրթության ոլորտում։
Մեսսիի նման մասշտաբային հանրահայտ մարզիկի ուշադրությունը հայկական կազմակերպության նկատմամբ կարող է լրացուցիչ լույս սփռել «Թումոյի» գործունեության վրա և ավելի մեծ ճանաչում ապահովել միջազգային հարթակում։
