Վիլեն Գաբրիելյանի՝ պատգամավորի լիազորությունները դադարեցվեցին

«Քաղաքացիական պայմանագիր» կուսակցության պատգամավոր Վիլեն Գաբրիելյանի լիազորությունները դադարեցվեցին: 

«Հիմք ընդունելով պատգամավորի հրաժարականի մասին դիմումը և առաջնորդվելով «Ազգային ժողովի կանոնակարգ» սահմանադրական օրենքի 154-րդ հոդվածի 1-ին մասի 6-րդ կետի և 155-րդ հոդվածի 2-րդ մասի 2-րդ կետի պահանջներով՝ դադարած համարել «Քաղաքացիական պայմանագիր» կուսակցության համապետական ընտրական ցուցակով ընտրված պատգամավոր Վիլեն Գաբրիելյանի՝ պատգամավորի լիազորությունները»,- նշված է ՀՀ ԱԺ նախագահ Ալեն Սիմոնյանի ստորագրած արձանագրության մեջ:

Հիշեցնենք՝ Վիլեն Գաբրիելյանը ապրիլի 1-ին նշել էր, որ Գյումրի քաղաքում իր մասնակցությամբ միջադեպերը համարում է ոչ վայել Ազգային ժողովի պատգամավորի վարքին. նա հայտարարել էր, որ վայր է դնում ԱԺ պատգամավորի մանդատը: