Ուկրաինան դարձել է բախման հենակետ․ Զախարովա

Ուկրաինան դարձել է պատմության վերաշարադրման գործընթացների հենակետ, իսկ նրա անկախությունն Արևմուտքը կապել է իր արմատներից հրաժարվելու հետ, հայտարարել է Ռուսաստանի ԱԳՆ պաշտոնական ներկայացուցիչ Մարիա Զախարովան, գրում է «Ռիա Նովոստի»-ն։

«Ժամանակակից միջազգային գործընթացներն ուղղակիորեն կապված են պատմության վերաշարադրման հետ, և Ուկրաինան, դժբախտորեն, դարձել է այդ երկու գործընթացների բախման հենակետ, տարածք։ Երբ սկսեցին բռնի կերպով վերաշարադրել պատմությունը և անմիջապես արագացված տեմպերով կյանքի պրակտիկայում ներդնել նոր նեոգաղութատիրական գաղափարախոսություն»,- հայտարարել Է Զախարովան։

Նա ընդգծել է, որ Ուկրաինայի համար անկախությունն ու ինքնիշխանությունը կապված էին Արևմտյան նեոգաղութատիրական օրակարգի հետ, որի շրջանակներում երկրի քաղաքացիները պետք է վերաշարադրեին իրենց իսկ պատմությունը և հրաժարվեին իրենց արմատներից: