Կարգելվի նրանց հեռարձակումը հանրային մուլտիպլեքսում․ Հակոբյան
Հանրային մուլտիպլեքսում որևէ օտար հեռարձակող չպետք է լինի։ Այս մասին ճեպազրույցում հայտարարել է ՀՀ հեռուստատեսության և ռադիոյի հանձնաժողովի նախագահ Տիգրան Հակոբյանը։
«Վերջին դեպքերը ցույց են տալիս, որ մենք իրավացի ենք, և օրենքով այդ բացը պետք է լրացնել։ Օտար հեռուստաընկերությունները չպետք է հեռարձակվեն հանրային մուլտիպլեքսում»,- ասել է Հակոբյանը։
Հակոբյանը հավելեց նաև, որ իրենք ուշադիր հետևում են օտար հեռուստաընկերությունների հեռարձակմանը և յուրաքանչյուր խախտում կարձանագրվի։
«Եթե օտար հեռարձակողները խախտեն Հայաստանի օրենսդրությունը, ապա կարգելի նրանց հեռարձակումը հանրային մուլտիպլեքսում»,- հավելեց Հակոբյանը։
