Իրանը Պարսից ծոցում նավթային լցանավ է գրավել
Իրանի Իսլամական հեղափոխության պահապանների կորպուսի (ԻՀՊԿ) ռազմածովային ուժերը Պարսից ծոցում նավթային լցանավ են գրավել՝ կապված վառելիքի մաքսանենգության մեղադրանքների հետ: Այս մասին հաղորդում են իրանական պետական լրատվամիջոցները:
Նշվում է, որ նավի վրա եղել է 6 մարդ, Նրանք բոլորը ձերբակալված են: Նրանց ազգությունը չի նշվում։
Նշենք, որ անցյալ ամիս ԻՀՊԿ ռազմածովային ուժերը գրավել էին երկու օտարերկրյա տանկեր, որոնք ենթադրաբար ավելի քան երեք միլիոն լիտր մաքսանենգ դիզելային վառելիք էին տեղափոխում:
