Ինչ եղանակ է սպասվում ապրիլին. Սուրենյան

Ապրիլին Երևանում օդի առավելագույն ջերմաստիճանը կարող է հասնել +28-ից մինչև +30 աստիճանի, այս մասին ճեպազրույցում ասել է «Հիդրոօդերևութաբանության և մոնիթորինգի կենտրոն»-ի տնօրենի տեղակալ Գագիկ Սուրենյանը։

Հանրպետության ողջ տարածքում կանխատեսվում է տաք և բավարար տեղումներով ապրիլ։ Օդի ջերմաստիճանը` 1-2 աստիճանով նորմայից բարձր կլինի։

«Հիմնականում ապրիլին գերակշռելու են արևադարձային լայնություններից ներթափանցող հոսանքները, բայց չի բացառվում, որ հատկապես ամսվա վերջում` առանձին օրերի, ունենանք արկտիկական ցուրտ հոսանքների ներթափանցում»,- ասել է Սուրենյանը։