Առաջին հայացքից կթվա մեծ բան չէ. Կոստանյանը՝ 30 կմ ոռոգման ջրագծի մասին
Երևանի քաղաքապետի խոսնակ Հայկ Կոստանյանը հայտնել է, 2024 թվականի ընթացքում Երևանում շուրջ 30 կմ ոռոգման ջրագիծ է կառուցվել:
«Առաջին հայացքից կթվա մեծ բան չէ, բայց թե՛ մինչև 2018թ. և թե՛ դրանից հետո որոշ շրջան, տնկվել են ծառեր՝ չունենալով ոռոգում: Շատ դեպքերում կարող եք ականատես լինել, որ ծառեր չկան»,- հայտնել է Կոստանյանը:
Նա նաև խոսել է մայրաքաղաքում ծառերի փոխարինման գործընթացի մասին:
«Մասնագետների լայն շրջանակի կողմից կա դիրքորոշում, որ կենսունակության ավարտին մոտ ծառերը, որոնք իրենց գործառույթները չեն կատարում, պետք է փոխարինվեն»,- ասել է նա։
Ըստ նրա, ոչ միայն Երևանում, այլև մարզերում տնկվել են ծառեր՝ առանց ոռոգման համակարգի ցանցի կարգավորման, արդյունքում՝ այդ ծառերն ուղղակի չորացել են։
«Նախորդ տարի շուրջ 5000 տարբեր տեսակի ծառեր են տնկվել: Նորքի երբեմնի այգիներում, շատ բարդ ռելիեֆում իրականացրինք ծառատունկ, և այդ բարդ ռելեֆիային պայմաններում նաև ոռոգման համակարգ ենք անցկացրել, որ հետագայում որևէ խնդիր չունենանք»,- եզրափակել է նա:
