ԱՄՆ-ն մտադիր է գնել «Հյուսիսային հոսքեր»-ն ու «Ռոսնեֆտ»-ի դուստր ընկերությունը

Միացյալ Նահանգների, Ռուսաստանի և Գերմանիայի ներկայացուցիչների միջև արդեն մի քանի ամիս բանակցություններ են ընթանում «Հյուսիսային հոսքի» գնման գործարքի շուրջ։ Այս մասին գրում է գերմանական Correctiv հրատարակությունը։

 Ռուս-գերմանական այլ էներգետիկ ենթակառուցվածքներ նույնպես հայտնվել են ամերիկացիների տեսադաշտում: Խոսքը, մասնավորապես, ԱՄՆ-ին «Ռոսնեֆտ»-ի «Շվեդտ» դուստր ձեռնարկության 54 տոկոս բաժնետոմսերի և «Բայերնոյլ» և «Միրո» նավթավերամշակման գործարանների բաժնետոմսերի վաճառքի մասին է:

Այս ամենը պատճառ կդառնա Եվրոպա ռուսական էներգակիրների մատակարարումների վերականգնման համար։ Աղբյուրը, սակայն, պարզաբանել է, որ նման ելք հնարավոր կլինի միայն Ուկրաինայի հակամարտության ավարտից հետո։ 

 Գերմանական Bild հրատարակությունն ավելի վաղ հայտնել էր, որ գերմանական կառավարական շրջանակները քննարկում են «Հյուսիսային հոսք 2» գազատարի հնարավոր գործարկումը կանխելու համար հակաքայլերի ընդունումը։ 

Հատուկ հարցերով ԱՄՆ հատուկ ներկայացուցիչ Ռիչարդ Գրենելը մի քանի անգամ այցելել է Շվեյցարիա՝ «Հյուսիսային հոսք 2»-ի հնարավոր վերսկսման շուրջ ոչ պաշտոնական բանակցությունների համար։