Զելենսկին նախ զանգել է Սթարմերին, ապա նոր մեկնաբանել Թրամփի հետ վեճը. Sky News
Մինչ սոցիալական ցանցերում ԱՄՆ նախագահ Դոնալդ Թրամփի հետ կոնֆլիկտի մասին մեկնաբանություն հրապարակելը, Ուկրաինայի նախագահ Վլադիմիր Զելենսկին զանգահարել է Մեծ Բրիտանիայի վարչապետ Քիր Սթարմերին։ Այս մասին հայտնում է Sky News հեռուստաալիքը՝ վկայակոչելով բրիտանական կառավարության ղեկավարի ներկայացուցչին։
Մեծ Բրիտանիայի վարչապետի գրասենյակը հայտնել է, որ Քիր Սթարմերը հեռախոսով խոսել է և՛ Զելենսկու, և՛ Թրամփի հետ վերջին 24 ժամվա ընթացքում։
«Վարչապետն ընդգծել է բոլոր կողմերի կարևորությունն Ուկրաինայի համար հնարավորինս արագ կայուն և անվտանգ խաղաղության հասնելու ուղղությամբ», - ասվում է գրասենյակի հաղորդագրության մեջ:
Հիշեցնենք, որ Վլադիմիր Զելենսկու և ԱՄՆ նախագահ Դոնալդ Թրամփի մասնակցությամբ աղմկահարույց միջադեպը տեղի է ունեցել փետրվարի 28-ին՝ ուկրաինացի քաղաքական գործչի՝ Վաշինգտոն կատարած այցի ժամանակ։ Հաղորդվում էր, որ կողմերը պետք է համաձայնագիր ստորագրեին հազվագյուտ հողային մետաղների վերաբերյալ։ Սպիտակ տանը հանդիպման ժամանակ նրանց միջեւ վիճաբանություն է սկսվել։ Ավելի ուշ Fox News-ի լրագրող Ջեքի Հենրիխը X սոցիալական ցանցի իր էջում գրել է, որ Զելենսկին ինքը չի որոշել լքել Սպիտակ տունը, այլ երկրի ղեկավարի կողմից վռնդվել է։
