Թրամփը խնդրել է Պուտինին միջնորդ լինել Իրանի հետ շփումներում․ Bloomberg
ԱՄՆ նախագահ Դոնալդ Թրամփի վարչակազմը դիմել է Ռուսաստանի Դաշնությանը՝ խնդրելով միջնորդ լինել Իրանի հետ շփումներում, հատկապես, միջուկային ծրագրի շուրջ բանակցություններում։ Այս մասին հայտնում է Bloomberg-ը։
Պարբերականը գրում է, որ Թրամփն այդ հարցի շուրջ իր կարծիքն է արտահայտել Պուտինին։ Սաուդյան Արաբիայում տեղի ունեցած բանակցությունների ժամանակ Թրամփի վարչակազմի բարձրաստիճան պաշտոնյաները քննարկել են այդ հարցը իրենց ռուս գործընկերների հետ:
Կրեմլի խոսնակ Դմիտրի Պեսկովը նշել է, որ իրենք կանեն ամեն բան, որպեսզի խնդիրները լուծվեն բանակցությունների միջոցով․
«Ռուսաստանը կարծում է, որ ԱՄՆ-ն և Իրանը պետք է բոլոր խնդիրները լուծեն բանակցությունների միջոցով, և Մոսկվան պատրաստ է անել ամեն ինչ, որպեսզի հասնի դրան»,-ասել է նա։
