Սպիտակ տունը դիտարկում է Ռուսաստանի դեմ պատժամիջոցների մեղմացման ծրագրերը. Reuters
ԱՄՆ նախագահ Դոնալդ Թրամփի վարչակազմը Պետդեպարտամենտին և ֆինանսների նախարարությանը հանձնարարել է պատրաստել պատժամիջոցների ցանկ, որոնք կարող են մեղմվել Մոսկվայի հետ բանակցությունների ընթացքում, հայտնում է Reuters-ը՝ հղում անելով աղբյուրներին։
Գործակալության տվյալներով՝ ԱՄՆ իշխանությունները դիտարկում են պատժամիջոցների սահմանափակումները մասամբ չեղարկելու հնարավորությունը՝ որպես Ռուսաստանի հետ հարաբերությունները բարելավելու և Ուկրաինայում հակամարտությունը կարգավորելու ուղիներ գտնելու ավելի լայն դիվանագիտական ջանքերի մի մաս։
«Գործակալությունները ներկայումս մշակում են առանձին ընկերությունների և անհատների, այդ թվում՝ որոշ ռուս օլիգարխների սահմանափակումները վերացնելու առաջարկը», - հայտնում է Reuters-ը։
Ավելի վաղ ԱՄՆ ֆինանսների նախարար Սքոթ Բեսենտը թույլ էր տվել Մոսկվայի համար տնտեսական զիջումների հնարավորությունը՝ կախված բանակցությունների ընթացքից։ Նախագահ Թրամփը նաև փետրվարի 26-ին ասել է, որ Ռուսաստանի դեմ պատժամիջոցները կարող են «ինչ-որ պահի մեղմվել»:
