Դա չի լինի քանի դեռ Զելենսկին հրապարակային ներողություն չի խնդրել
Կիևի հետ հազվագյուտ մետաղների վերաբերյալ համաձայնագրի բանակցություններում առաջընթացի հնարավորություն ԱՄՆ-ն չի տեսնում, քանի դեռ Վլադիմիր Զելենսկին հրապարակային ներողություն չի խնդրել Սպիտակ տանը նախագահ Դոնալդ Թրամփի հետ հանդիպման ժամանակ իր պահվածքի համար: Այս մասին հայտնում է Fox News հեռուստաալիքը՝ վկայակոչելով Սպիտակ տան բարձրաստիճան ներկայացուցչին։
«Վարչակազմի բարձրաստիճան ներկայացուցիչը մեզ ասաց, որ գործարքի հարցում մեռյալ կետից տեղաշարժ չի լինի, քանի դեռ Զելենսկին Օվալաձև աշխատասենյակում իր պահվածքի համար տեսախցիկների առջև հստակ հրապարակային ներողություն չի խնդրել», - ասվում է հաղորդագրության մեջ:
Ինքը՝ Զելենսկին, որը գտնվում է Եվրոպայում, ավելի վաղ հրաժարվել էր Սպիտակ տանը վերջերս տեղի ունեցած վեճի համար իր մեղքն ընդունելուց և հայտարարել, որ դեռ հույս ունի համաձայնագիր կնքել ԱՄՆ-ի հետ:
