Շինծու դատավարություններ են ընթանում Ադրբեջանում. Միրզոյան

Ադրբեջանում կալանավորված ՀՀ 23 քաղաքացու նկատմամբ շինծու դատավարություններ են ընթանում։ Այս մասին Ժնևում ՄԱԿ մարդու իրավունքների խորհրդի նստաշրջանում ելույթի ժամանակ ասել է ՀՀ արտգործնախարար Արարատ Միրզոյանը։

Նա հիշեցրել է, որ դեռ մեկ տարի առաջ մարդու իրավունքների գերագույն հանձնակատարը խորհրդին տեղեկացրել էր, որ ՄԱԿ-ը 2 խումբ է ուղարկում Հայաստան՝ Լեռնային Ղարաբաղից ավելի քան 115 հազար էթնիկ հայերի վիճակի մասին տեղեկություններ հավաքելու նպատակով:

Նշենք, որ հունվարի 17-ից Ադրբեջանում ընթանում է Արցախի նախկին ռազմաքաղաքական առաջնորդների գործով դատավարությունը: Մեղադրյալների թվում են նախկին նախագահներ Արկադի Ղուկասյանը, Բակո Սահակյանը, Արայիկ Հարությունյանը, պաշտպանության բանակի նախկին հրամանատար Լևոն Մնացականյանը, նախկին արտգործնախարար Դավիթ Բաբայանը և այլոք:

Նախկին պետնախարար և բարերար Ռուբեն Վարդանյանի գործը քննվում է առանձին վարույթով: