Մակրոնն ու Սթարմերը կփորձեն համոզել Թրամփին
Ֆրանսիայի նախագահ Էմանուել Մակրոնը և Մեծ Բրիտանիայի վարչապետ Քիր Սթարմերը մտադիր են համոզել ԱՄՆ նախագահ Դոնալդ Թրամփին՝ երկկողմ բանակցություններ չվարել Վլադիմիր Պուտինի հետ։ Այս մասին հայտնել է The Times պարբերականը։
«Բարձրաստիճան դիվանագիտական աղբյուրները հայտնել են, որ նրանցից յուրաքանչյուրը կփորձի համոզել Թրամփին չշարունակել երկկողմ խաղաղ բանակցությունները Մոսկվայի հետ ՝ Ուկրաինայի ապագա անվտանգության ապահովման հարցում Եվրոպայի պարտավորությունների դիմաց»,- գրել է պարբերականը։
Նշվում է, որ Ֆրանսիայի նախագահ Էմանուել Մակրոնի այցը Վաշինգտոն, որտեղ կկայանա նրա հանդիպումը Դոնալդ Թրամփի հետ, կարող է ազդել ԱՄՆ քաղաքականության վրա:
