ԱՄՆ–ում կարծում են, որ Զելենսկին բաց է թողել Թրամփի «հրաշալի ծրագիրը»
Ուկրաինայի նախագահ Վլադիմիր Զելենսկին Մյունխենի համաժողովում բոլորովին չմտածված հայտարարություններ է արել և զգալիորեն վատթարացրել հարաբերությունները Վաշինգտոնի հետ՝ ֆինանսական գործարք կնքելու թեմայով։ Այս մասին Bloomberg հեռուստաընկերության եթերում ասել է ԱՄՆ ֆինանսների նախարար Սքոթ Բեսենտը։
«Զելենսկին, ցավոք, սրեց իրավիճակը... Մյունխենում նրա շատ արտահայտություններ, կարծում եմ, տեղին չէին... Նախագահ Թրամփն իրականում հրաշալի ծրագիր ուներ՝ ուկրաինացիներին ԱՄՆ-ին մոտեցնելը, «եկեք այս տնտեսական գործարքը կնքենք»... և հետո ռուսներին ասելը՝ «եկեք բանակցությունների սեղան»,– ասել է նա:
Ավելի վաղ Թրամփը Զելենսկին անվանել էր «առանց ընտրությունների բռնապետ» և աջակցել Ուկրաինայում ընտրությունների անցկացման անհրաժեշտությանը։ Ամերիկացի առաջնորդի խոսքով՝ Զելենսկու վարկանիշն իջել է մինչև 4 տոկոս։
