Իմ օրոք ԱՄՆ–ում կլինի երկու սեռ՝ առական և իգական. Թրամփ
ԱՄՆ նորընտիր նախագահ Դոնալդ Թրամփը հայտարարել է, որ իր վարչակազմը կպահպանի գենդերային քաղաքականությունը, որտեղ կան միայն արական և իգական սեռեր: Այս մասին գրում է ТАСС–ը:
«Թրամփի վարչակազմի օրոք Միացյալ Նահանգների կառավարության պաշտոնական քաղաքականությունը կլինի այն, որ գոյություն ունեն միայն երկու սեռ՝ արական և իգական: Այդքան բարդ չի՞ հնչում, այնպես չէ՞», – ասել է Թրամփը՝ Արիզոնա նահանգի Ֆենիքս քաղաքում կայացած AmericaFest համաժողովում։
Իլոն Մասկը, ով գործարար Վիվեկ Ռամասվամիի հետ միասին կգլխավորի Թրամփի վարչակազմի նոր բաժինը՝ կառավարության արդյունավետությունը բարելավելու և բյուրոկրատիայի դեմ պայքարելու համար, նույնպես քննադատել է դեմոկրատ Ջո Բայդենի ներկայիս վարչակազմի գենդերային քաղաքականությունը։ Հուլիսին Մասկը հայտարարեց իր SpaceX ընկերության կենտրոնակայանը Կալիֆորնիայից տեղափոխելու մտադրության մասին՝ նահանգի նահանգապետ Գևին Նյուսոմի կողմից օրենքի ստորագրման պատճառով, որը խրախուսում է դպրոցներո ԼԳԲՏ մարդկանց իրավունքների պաշտպանությունը: Ինչպես այն ժամանակ ասել էր Մասկը, այս օրենքի ընդունումն իր համար «վերջին կաթիլն» էր։ Բացի այդ, Մասկը նախկինում ասել էր, որ «ըստ էության կորցրել է որդուն», քանի որ իր ավագ երեխան՝ Քսավյերը փոխել է սեռը, վերցրել է կնոջ անունն ու մոր օրիորդական անունը, ինչպես նաև հայտարարել է, որ չի ցանկանում որևէ կապ ունենալ իր կենսաբանական հոր հետ։ .
