Բաքուն սպասում է ռուսական ներդրումներին Ղարաբաղում. Ալիև

Բաքուն սպասում է ռուսական ներդրումներին Ղարաբաղի վերականգնման համար և ուրախ կլինի տեսնել ռուսական ընկերությունների ժամանումը, ասել է Ադրբեջանի նախագահ Իլհամ Ալիևը Համառուսաստանյան պետական ​​հեռուստառադիոհեռարձակման ընկերությանն ու РИА Новости–ն տված հարցազրույցում: 

«Առաջին ... ներդրումային նախագիծն իրականացրել է Թաթարստանը, այսինքն՝ այնտեղ առաջին օտարերկրյա ներդրումային նախագիծը նույնպես ռուսականն էր, ուստի մենք սպասում ենք ներդրումների, և մենք ուրախ կլինենք նաև կապալառուների համար», - ասել է Ալիևը Դմիտրի Կիսելևի հետ զրույցում:

Ադրբեջանի ղեկավարի խոսքով՝ Թաթարստանի պատվիրակությունը գտնվում է Բաքվում, և ինքը մտադիր է հանդիպում անցկացնել հանրապետության ղեկավար Ռուստամ Միննիխանովի հետ։