Անընդհատ զգուշացնում ենք գլոբալ պատերազմի վտանգի մասին․ Ֆիդան

Ուկրաինական հակամարտությունը դարձել է գլոբալ՝ ԱՄՆ-ից և Եվրոպայից Կիևին զենք մատակարարելու ֆոնին։ Այս մասին հայտարարել է Թուրքիայի արտգործնախարար Հաքան Ֆիդանը:

Ռուսաստանի նախագահ Վլադիմիր Պուտինը հինգշաբթի օրը հայտարարություն է արել հատուկ ռազմական գործողության առաջընթացի և նորագույն միջին հեռահարության «Օրեշնիկ» հրթիռի հաջող փորձարկման մասին։

«Մենք անընդհատ զգուշացնում ենք գլոբալ պատերազմի վտանգի մասին, որի մասին խոսել է Պուտինը: Մենք տեսնում ենք, որ Ուկրաինայում շարունակվող հակամարտությունը և Գազայի պատերազմը գնալով խորացնում են խզվածքները՝ միավորելով որոշակի խաղացողների, ուժեղացնելով բևեռացումը»,- ասել է Ֆիդանը։

«Ելնելով այն հանգամանքից, որ ԱՄՆ-ն ի սկզբանե զենք ուղարկեց Ուկրաինա, իսկ ավելի ուշ՝ Եվրոպա, ստեղծվեց մի իրավիճակ, երբ նրանք բացահայտորեն դարձան հակամարտության կողմ․ լայն իմաստով սա կարելի է բնութագրել որպես գլոբալ պատերազմ»,- ասել է նախարարը։

Խոսելով միջուկային պատերազմ սկսելու վտանգի մասին՝ Ֆիդանը նշել է, որ «դա կատակ չէ»։