Թրամփի հետ զրույցը պոզիտիվ էր. Փաշինյան
Դոնալդ Թրամփի հետ հեռախոսազրույցը տեղեկատվական էր և պոզիտիվ։ Այս մասին Հանրայինի եթերում ասել է վարչապետ Նիկոլ Փաշինյանը:
«Ներկայացրել եմ, թե ՀՀ-ԱՄՆ հարաբերություններում և խաղաղության գործընթացում ինչ զարգացումներ են տեղի ունեցել»,– մանրամասնել է նա։
Ավելի վաղ հայտնել էինք, որ տեղի է ունեցել վարչապետ Նիկոլ Փաշինյանի հեռախոսազրույցը ԱՄՆ ընտրված նախագահ Դոնալդ Թրամփի հետ:
Վարչապետ Փաշինյանը նախագահ Թրամփին շնորհավորել է ընտրություններում տարած հաղթանակի առիթով և նրան տեղեկություններ է փոխանցել Հայաստան-ԱՄՆ հարաբերություններում վերջին տարիներին տեղի ունեցած զարգացումների և ընթացիկ վիճակի մասին:
Քննարկվել են նաև տարածաշրջանային օրակարգին վերաբերող հարցեր:
