Չի եղել հորդոր, եղել է խնդրանք. Փաշինյանը՝ Անդրեասյանի հրաժարականի մասին

Վարչապետի հորդոր չի եղել, եղել է վարչապետի խնդրանք: Այսպես է վարչապետ Նիկոլ Փաշինյանը մեկնաբանել ԲԴԽ նախկին նախագահ Կարեն Անդրեասյանի հրաժարականի մասին հարցը:

Իր խոսքով՝ վարչապետի «հորդորի» և «խնդրանքի» մեջ կա տարբերություն:

«Կա՞ արդյոք նման խնդրանքով հանդես գալու քաղաքական բարոյական և իրավական հնարավորություն, ես կարծում եմ՝ այո»,– ասել է Փաշինյանը՝ անդրադառնալով այն դիտարկմանը, որ Հայաստանում դատական իշխանությունն անջատ է ու անկախ գործադիր իշխանությունից։