Իրանը չի զիջի իր դիրքերը. ԱԳՆ

Իրանցի դիվանագետը մեկնաբանել է ԳՀՀԾ-ի վերականգնման հարցը։

Իրանի ԱԳՆ պաշտոնական ներկայացուցիչ Իսմայիլ Բաղային հայտարարել է, որ մամուլի ասուլիսի ժամանակ Թեհրանը չի զիջի իր դիրքերը Իրանի միջուկային ծրագրի վերաբերյալ Գործողությունների համատեղ համապարփակ ծրագրի (ԳՀՀԾ) վերականգնման շուրջ Եվրոպայի հետ բանակցություններում

«Մենք մեր դիրքորոշումներն ու շահերը երբեք չենք զիջի։ Յուրաքանչյուր գործարք պետք է կատարվի արդար, անկողմնակալ, ռացիոնալ և տրամաբանությամբ։ Յուրաքանչյուր գործարք ունի իր պատմությունը։ Խելամիտ է ակնկալել, որ կողմերը չեն կրկնի նախկին սխալները և կփորձեն օգտագործել նախորդ բանակցությունների փորձը», - ասել է Բաղային:

Ռաֆայել Գրոսին Իրան կատարած այցելության ընթացքում բանակցություններ է վարել երկրի ղեկավարության հետ և Ֆորդոյում և Նեթենզայում դիտարկել իրանական միջուկային ծրագրի օբյեկտները՝ ԳՀՀԾ-ի իրականացման մասով հետագա որոշման համար: Իրանի նախագահ Մասուդ Փեզեշքիանը Գրոսիի հետ բանակցությունների ընթացքում հայտարարել է, որ միջուկային զենք Թեհրանը չի ստեղծել և չի ստեղծի:

2015-ին Մեծ Բրիտանիան, Գերմանիան, Չինաստանը, Ռուսաստանը, ԱՄՆ-ը, Ֆրանսիան և Իրանը կնքեցին միջուկային գործարք, որը ենթադրում էր պատժամիջոցների վերացում Իրանի միջուկային ծրագրի սահմանափակման դիմաց: Դոնալդ Թրամփի նախագահության օրոք ԱՄՆ-ը 2018 թվականի մայիսին դուրս եկավ ԳՀՀԾ-ից և վերականգնեց Թեհրանի դեմ պատժամիջոցները: Ի պատասխան՝ Իրանը հայտարարեց համաձայնագրի շրջանակներում իր պարտավորությունների փուլային կրճատման մասին՝ հրաժարվելով, մասնավորապես, միջուկային հետազոտությունների և ուրանի հարստացման մակարդակի սահմանափակումներից։