Թուրքիան թույլ չի տվել Իսրայելի նախագահին հասնել Բաքու
Թուրքիան արգելել է Իսրայելի նախագահ Իսահակ Հերցոգի ինքնաթիռին օգտվել իր օդային տարածքից։ Արդյունքում նա չի կարողացել մասնակցել ՄԱԿ-ի կլիմայի փոփոխության COP29 համաժողովին, որը տեղի է ունենում Բաքվում։ Այս մասին հայտնում է ադրբեջանական Caliberը՝ հղում անելով Ադրբեջանի ԱԳՆ-ի աղբյուրին։
Ըստ The Jerusalem Post-ի, Հերցոգը պետք է մասնակցեր նոյեմբերի 20-ին կայանալիք կլիմայական կոնֆերանսին, սակայն մեկ օր առաջ նա չեղարկել է ուղևորությունը։ Ինչպես հաղորդում է The Times of Israel-ը, դա արվել է անվտանգության նկատառումներով՝ հաշվի առնելով Ադրբեջանի և Իրանի մերձությունը։ Իսրայելը նույնպես ունի առանձին տաղավար այս համաժողովի համար։
