ՏԵՍԱՆՅՈՒԹ․ Արտակարգ իրավիճակ՝ «Կիլիկիա» ավտոկայանում

Auroranews-ն ահազանգ է ստացել «Կիլիկիա» ավտոկայանում տիրող իրավիճակի մասին։

Մեզ հետ զրույցում քաղաքացիները նշում են, որ այդ հատվածում Տեսչական մարմինը ստուգումներ է անցկացնում։

Ավելի վաղ Shamshyan.com-ը գրել էր, որ լարված իրավիճակ է ստեղծվել Երևանում։ Արդեն մոտ մեկուկես ժամից ավելի է՝ Իսակովի պողոտայում՝ «Կիլիկիա ավտոկայանից» մարզեր գնացող մեծ թվով քաղաքացիներ չեն կարողանում գնալ։ Նշվում է, որ պատճառը տեսչական մարմնի կողմից գծերի ստուգումն է եղել և հայտնաբերվել են խախտումներ, այդ թվում «ապօրինի» տրանսպորտային միջոցներ շահագործելու դեպքեր ու հիմա քաղաքացիները փաստի առաջ են կանգնել ու մնացել են հույսով, թե երբ «Գազելները» կշարժվեն։

Ժամանել են մեծ թվով ոստիկանական ուժեր, ինչպես նաև ՀՀ ՆԳՆ ոստիկանության Պարեկային ծառայության Երևան քաղաքի գնդի պարեկներ։