ՏԵՍԱՆՅՈՒԹ. Իսրայելը խոցել է բնակելի բարձրահարկ շենք. կան զոհեր և վիրավորներ. Դամասկոս
Իսրայելական օդուժի հարվածների հետևանքով Դամասկոսի հարավարևելյան Սեյիդ–Զեյնաբ արվարձանում զոհվել է 6 մարդ, վիրավորում է ստացել առնվազն 15 մարդ: Այս մասին հաղորդում է Sham FM ռադիոկայանը: Ըստ լրատվամիջոցի տեղեկատվության՝ հրթիռները խոցել են բնակելի բարձրահարկ շենք:
Ըստ ԶԼՄ–ների՝ վիրավորների թիվը 25 է: Ավելի վաղ Դուբայում հեռարձակվող Al Hadath հեռուստաալիքը հաղորդել էր 3 զոհերի մասին: Լրատվամիջոցի տեղեկատվությամբ՝ բոլոր զոհերը «Հեզբոլլահ» շիայական խմբավորման մարտիկներ են, որոնք կռվում են սիրիական բանակի կողմից:
Նոյեմբերի 4-ին իսրայելական ինքնաթիռները հարվածել էին Դամասկոսի նույն արվարձանի Էլ Մազարի շրջանում գտնվող «Հեզբոլլահի» ճամբարին: Այդ ժամանակ խմբավորման անդամների շրջանում զոհվել էր 7 մարդ, հաղորդվել էր նաև տուժածների մասին:
